Vawiin April ni 13, 2026 Thawhtanni hian Mizo Hnam Run inkhawm political session-ah MNF Vice President & AMC Election Campaign Committee Vice Chairman Pu Lalchhandama (LoP) chuan thu a sawi a. AMC Election 2026 atan MNF-in Candidate kan nei tha ber a, sorkarna siam leh ngei kan beisei, a ti.

"AMC inthlan hun hi February, 2026 zawh hma tur kha a ni a. Chhuan lam tur engmah awm lo kha, ZPM chuan AMC-a chak an inrin loh avangin chhuanlam siamin an sawn hla a. Ran khuahkhirhna dan an putluha an pass ngei pawh, kan ennawn dawn an tite hi an mawng an hlim tihna a ni.

"ZPM sorkar hnuaia tax sang em emte hi AMC-a an sorkarna an siam chuan mi retheite mi sawr fu zel ang tih chu an ke pen dan en hian a lang chiang hle a. Aizawl khawpui mipuite hian vote an pek ka ring lo. Kum hnih erh awrh an sorkar chhunga kan ipte an zen dan en hian zirtirna pek an ngai," a ti bawk.

Pu Chhantea chuan ZPM sorkar chungchang sawiin, "He sorkar hnuaiah hian aia upate zahna a tlahniam a. Mahni dik bera inhriatna, tha bera inngaihna leh sorkar kal tawhte engmah lova chhuah hi thil thar kan hmuh langsar a ni. Fel famkim bika insawite sorkarah chuan a hmaa nasa taka an sawisel restricted phei chu khawvela la awm ngai lo, blanket approval hial an pe a. Heti em ema corruption nasa hi a la awm ngai lo. Thil ho te teah FIR nena an umzui laiin, minister hluiten corrupt ber leh Lengpui ram chungchang an sawite chu an bawhzui ngam lo. Hengte hian he sorkar corrupt zia hi a confirm-in ka hria.

"He sorkar hian sum a puk hnem zia te, financial management an thiam loh ziate, an sawi loh dan hlira an khawsak dante kan hmu vek a. State leiba ni se kan state budget aia tam an nei a. Tun hmaa an tih thin dan takin chhut chhin ta ila ZPM sorkar hnuaiah mi pakhatin Rs. 1,55,640 zel leiba kan nei," a ti a. Municipal pawisa an tih lapse pawh Rs. vbc 33.98 a tlin thu a sawi bawk.

"He sorkar hian milem an bia em ni? tiin Central sorkara an tlak tlum loh avangin mi hausa tlawn nan Ambani-a fapa lim happy birthday wish duh minister kan neite hi a beidawn thlak tak zet. Sawhthing ni se, February, 2026-ah kan lei dawn an ti a. Tunah hian kuthnathawktuten an la tiang erh urh a, engtikah nge an leisak dawn tih kan zawt a ni," a ti.

MNF Vice President chuan ZPM sorkarin Aizawl khawpui sawn tuma hma an lak dan sawiin, January 2026 khan Prime Minister hnenah DO letter ziakin kan chief minister chuan Aizawl khawpui sawn dilna a lo thawn a. Kan hrechhuak dawna an hriat hnuah Thenzawl peace city tiin an thlak leh a ni, tiin ze nghet an neih loh thu a sawi a. Sum tam tak an tih lapse thu leh Brigade field enho tur ZPM thalaite chona angin Thawhtanni (April 13, 2026) zing dar 7 khan MNYF-ten hmunah an nghak thlawn a, ZPM Thalai an lapse leh bawk," a ti.

Keini chu a hmasa bera Pathian dahtu kan nih angin sum leh paite hi tangkai ve bawk mah se, Pathian malsawm tlaka nung turin i inbuatsaih ang u, tiin kalkhawmte a chah a ni.

MNF chhungin khawmah hian Mithar Pahnih Pu Alfred Lalnuntluanga ( Neutral) Banking Corporation a experience nei, Pu Paul Lalhuanmawia, NGOs a experience neite chu President Pu Zoramthangan Lawm takin MNF Partyah a lawm lut bawk

Inkhawm hi Pu TJ Lalnuntluanga, Ex-Minister & GS MNF GHQ-in a kaihruai a. Pi Vanramthangi, EM, Ex-MNA-in hunserh a hmang bawk a ni.

(LALTHAKIMA)

Jt Secretary

Media & Publicity Deptt : Mizo National Front

Memo No.469/2026/Dt.13.04.2026