Inremna them-lém mai a ni lo : K. Vanlalauva, Ex-Minister

Vawiin, September 11, 2026 (Zirtawpni) a Mizo Hnam Run chhung inkhawmah Ex-Minister Pu K. Vanlalauva, NCC, MNF General Headquarters chuan thu sawiin, India nen kan inremna kha inremna them-lém mai a ni lova, Mizo mipui kan tawngtai a Pathian malsawmna kan dawn vang a ni, a ti.

Pu K. Vanlalauva chuan Mizo ten Zalenna kan sual kha engtia sual mai ngam nge kan nih tih kha zawhna awm thei a ni a. India prime minister hnenah mi 61 ten hming ziakin October 30, 1965 khan Memorandum thehluh a ni a. Mizote hi hnam tlem te kan ni a, Zalenna kan duh ve a ni tiin, heta hming ziak 7 te an la dam thu a sawi. Mizo ten Zalenna sang tak Lal Lal lai ata tawh kan neih thin awpbeh duh lohna movement chuan mi rilru a hnehin thlawp a hlawh hle a ni, a ti.

Kum 1963-ah MLA 3 thlanah MNF mi 2 thlan an ni a, December 17, 1963 ah Tuirialah Pu Laldenga man a ni a, a hnuah Pu Lalnunmawia pawh manin kum 1965 October 30-ah memorandum ziah a ni a, memorandum thehluh chhanna a la awm thei lova; ziak a chhanna dawn aiin 1966 February thlaah sipai an lo tir ta zawk a, kan tum ang ni lo, kan tum ai a hma in hun dangah min luh tir ta a ni, Pu Denga chuan a ti, a ti.

Mizoramin zalenna a sual hun lai thu sawiin, Pu K. Auva chuan, ' Khua hal, pawngsual a tam a. Kum 1969-ah E. Pakistan ah lut thla in, kum1974 February thlaah Mizo Val Upa, Arakan sorkar chuan India a bia, a ti a. Khati laia CM Pu Ch. Chhunga leh sorkar, kohhran leh Zoram mipui ten Zalenna sual an thlawp thu leh rambuai vanga an tawrhna chu hrehawm tiin, Calcutta Convention-ah India Dan pui hnuaia kun kha an remti, a ti.

A sawi zel naah Pu Auva chuan, inremnaah Pu Laldenga CM niin Pu Lalthanhawla, Dy. CM a ni ang a. Congress minister 3- CL Ruala, Hiphei leh Liansuama te an bang a. MNF atangin Pu Zoramthanga, Tawnluia leh Rualchhina te an lut ve thung a. PC sorkar pek theih loh Congress-ten pe in remna kan nei a ni, a ti. August 5, 1986 a Lammual a Pu Denga thusawi, ' Inremna chu a tawpna ni lo, a bul tanna chauh a ni a, Pathian remruat a ni a, kan venghim tur a ni. Nakinah tu ten emaw inremna them-lem ti an awm ang; Pathianin kan tawngtai a chhanna a ni a, kan neih chhun kan vawn uluk tur a ni, a ti a. Kum 40 a ral chuan sawi them-lem an awm ta reng a, sawi bawrhban hi Hnam hmuhsitnaah ngaih theih a nih avangin i do tlàng ang u, a ti bawk.

Hnam Run chhung inkhawm hi Pu Ramzauva, Adviser, MNF Gen. Hqrs chuan a kaihruai a, Pu Vanlalchianga, Jt. Secretary-in hunserh a hmang a ni.

(LALRINMAWIA SAILO)

Secretary

Media &Publicity Department/ Mizo National Front

Memo No. 528/2026/ Dt. 11.09.2026