MNF chuan vawiin April ni 11, 2026 (Inrinni) hian MNF AMC Election Street Campaign chu Aizawl khawpui chhung veng hrang hrangah a buatsaih.

Vaivakawna thu sawitu MNF Senior Vice President Dr R. Lalthangliana MLA chuan ZPM hotuten sorkar hmasain 'engmah an thawk lo' tiin au au thin mahse; Aizawl khawpui leh Mizorama hmasawnna zawng zawng hmuh theiha lolang chhuakte hi MNF kutchhuak deuh vek an nih thu a sawi. "Kan kawng siamah an kal a, kan building sak sa an luah a, department hrang hranga kan lo thawh chhuah tawhte zar an zo mek zawk a ni. Eng thil tha mah thawk chhuak lova min sawi fotute hian Aizawl khawpui leh Mizoram tan eng thil ropui nge an tih ve tawh a, eng ram rotling nge min hnutchhiah tih ka zawt let a ni," a ti.

"AMC hi Aizawl khawpui lo thianghlim zawk nan te, a mi chengte kan lo hrisel theih zawk nan leh kawng hrang hrangah hma kan sawn theihna turin MNF din leh kut chhuak anih angin, Aizawl khawpuiin hma a lo sawn zel nan MNF AMC official candidate vote tling ngei turin ka sawm takzet che u a ni," Dr. Thangtea chuan a ti bawk.

Ramrikawna thusawitu Pu Lalruatkima Treasurer pawhin, "ZPM sorkarin nasa taka a duhsak Henry-a Motor pahnih chu tlan lohni awm lova nitina tlan thei turin phalna a pe tih hi chiang takin kan hre thawi a ni," a ti. "ZPM-ah sum nei leh thil tithei an dingchang zel a, miretheite erawhin sawrfu leh tur chuang awm lovin chhiah chitin reng kan chawi awlh awlh lawi si," a ti a. Hengte avang hian Aizawl khawpui enkawl tura ZPM chu thlan chi an nih loh thu leh MNF candidate-te vote vek turin mipui a sawm.

MLA Pu Ramthanmawia PAC chu Ramthar/Sihpui, MLA Pu Robert Romawia Royte, MNYF President-Tennis Court, Er.H.Lalzirliana MLA, Adviser- Mission Vengthlangah leh MLA Pu Lalrinsanga Ralte Gen. Secretary chuan Bungkawnah thu an sawi.

Heng bakah hian Pu Tawnluia Ex-Dy. CM & NCC chu Chhangurkawn, Pu R.Lalzirliana Ex-Minister, PAC- Armed veng South, Pu K.Lalrinliana Ex-Minister, Adviser- Chanmari, Er.Lalrinmawma Ex-Minister, G/S - Mission Veng Bazarah leh Pu R.Lalhnuna PAC ten ITI-ah thu an sawi bawk. Hmun hrang hrangah hian Adviser leh General Secretary-ten thu sawiin, AMC corporator candidate-te pawhin thu an sawi bawk a ni.

(R.LALHMANGAIHA)

Secretary

Media & Publicity Deptt : Mizo National Front

Memo No.468/2026/ Dt.11.04.2026