MNF Legal Board chuan vawiin ni April ni 15, 2026 hian Aizawl District Election Officer hnenah MCC bawhchhiat a nih chungchangah complaint an thehlut a. He complaint hi MNF Legal Board Joint Secretary Pu Lalbiakkima, Advocate hmingin thehluh a ni. MNF legal Board chuan, “ MCC bawhchhiatna a complaint an thehluhah hian MCC No. II leh VIII hnuaiah khuahkhirhna dan awm chu chiang takin palzut ani a. He complaint hian a tum chu Aizawl hmasawnna atana hmalakna daltu nilo in dan hnuaiah, dan ang takin hmasawnna hi kal se kan duh a. Inthlan denchhen a dik lo taka hmalak hi do a ngai a ni tih rilru pu a Complaint hi thehluh a ni” an ti a. Tin, “State Election Commission-in fair taka ruling leh opposition party ten inthlanna felfai leh thianghlim kan neih theih nan inkaihruaina dan a siam chung pawha, sorkar laiin sorkarna hmanruaa hmanga an party candidate-ten vote an hmuh theihna tura sorkar hmalakna Model Code of Conduct-in min phuar rih pawh pawisa lova, campaign-na atana an hmang fo hi MCC dan kalh a nihna ang leh level-playing field inang party tin ten kan neih theih nan he complaint hi kan thehlut a ni” an ti bawk. Heng a hnuaia MCC dan bawhchhiatna chungchangah te hian MNF Legal Board chuan Aizawl District Election Officer hnenah complaint a thehlut a ni.

1. Aizawl East- II ZPM Block Media Cell thuchhuahah chuan Ni 06.04.2026 khan Minister Pu. B. Lalchhanzova chuan Armed Veng South Cultural Club-te senso a tumsak thu an tarlang ani.

2. Aizawl East-II huamchhungah tho Chhinga Veng Junction chu ni 11.04.2026 ah siam a ni.

3. Ni 26.03.2026 ah K Lalrodinga Ward No XVIII ZPM Candidate chuan Venghnuai Branch MUP te chu pawisa pe in Sorazo a sem bawk.

3. Minister C Lalsawivunga chuan 11.04.2026 Republic Vengthlang ah transformer dah a tiam thu a sawi.

4. MP Richard Vanlalhmangaiha chuan 11.04.2026 khan Republic Vengthlang leh Upper Republic chu Mahindra Bolero pick up a pe.

Issued by MNF Publicity Board, MNF General Headquarters