Vawiin tlai hian Sunrise Building-ah Ward IX chhunga Women Front inhmuhkhawmna hun hman a ni a. He hun hi Pu Lalruatkima Treasurer leh Pu HB Lianmunga, Adviser-in an hmanpui.

Pu Ruatkima chuan, He sorkar hian inthlahrung hauh lovin an insawi ang letling chiahin sum an puk ngar a. Hei hian kan leiba nasa takin a tih pun avangin phurrit nasa tak min thlen tu a ni mek a ni. Chuvang chuan kan neih tawk a inremchem taka khawsak thiam mipuiin kan in zir a ṭul ta zawk a ni," a ti. "Kan budget aia leiba kan ngah te hi thil la thleng ngai lo thil mak a ni," a ti bawk.

MNF Treasurer chuan, "Party dangte aiin MNF hian candidate kan nei ṭha a, hei hi kan hlawhtlin pui kan ring hle. Party dang candidate te pawh kan han thlir a, MNF candidate te an tluk lo nasa hle a ni," a ti a. "Kan candidate zingah AMC corporator/Councillor thin mi 4 awmin, Secretary Govt of Mizoram pension, Sport lama India ram aiawha mekte, Kohhran Upa, Bial KTP Leader leh YMA hruaitute, Zoram thalaite entawn leh ngaihsan rawn te an awm a ni," a ti bawk.

Pu Ruatkima chuan, "Buhfai man a let a an ti to hi MNF hian na kan ti a. Kan sorkar chuan kan ennawn dawn a ni. Kan supply minister hian mipui phurrtir min siam hi nuam a ti zawk hial niin a lang a, a la au phung phung a, a ṭawng lung lung mai a ni," a ti a. "Aizawl capital Thenzawla kan chief minister-in sawn a tum hi a dik lo hle a. Thenzawla State capital sawn duh leh duh lo kan indo mek a ni. Aizawl State Capital a la.nih zel duh lamin hnehna kan chan ka ring a ni," a ti bawk.

MNF Treasurer chuan, "Veng hrang hrang, ward hrang hrangah MNF kan phur em em a, kan ṭangrual a, hlawhtling tlakin kan thawk a ni," a ti bawk.

He hun hi Pi Lalpianthangi, Chairman Saron Veng Local Council-in a kaihruai a ni.

(LALLENMAWIA JONGTE)

Secretary

Media & Publicity Department: Mizo National Front

Memo No. 472/2026/ Dt.16.04.2026