Thuneihna an chan lai hian MNF te corrupt min tih chuan min chhui rawh se: Dr. R. Lalthangliana

Vawiin September 7, 2026 (Thawhtanni) Mizo Hnam Run chhung inkhawmah MNF Senior Vice-President Dr. R. Lalthangliana, MLA chuan thu sawiin, MNF-te corruption-a fihlim lo leh a chhe thei ang bera min sawi thintu thuneihna chelh mekte hian an duh chuan min chhui se, MNF ministry-ah corruption in hmun a chang lova; kum 2028 inthlanah kan sorkar leh dawn a, chutah pawh chuan corruption lakah kan fihlim leh ang, a ti.

Dr. R. Lalthangliana chuan thu belhchiandawllo leh MNF hi a inmil thei lova, MNF chu a din tirh atangin kan hnam rohlu enkawla humhalh a humhim tura din kan ni. Kum 2028 inthlan thlirin Zoram thar din turin, 'Sustainable Development' turin hma kan la dawn a ti a. Kum 2028 thlir chunga sorkarna siam turin, 'hlemhletna reh theih nan hmalakna tur kawng hrang hrang kan duang tawh a, langtlang sorkar, mipui innghahna tlak siam kan tum a ni,' a ti.

MNF-in Independence a puan kum 60 lawmna kal zelah programe hrang hrang duang a lawm mek zel a ni tih sawiin, 'Mizo tu pawh MNF-ah chuan a tel theih vek a, MNF chu Mizorama Political Party upa ber niin kan President pawh chawl miah lova kum 36 chhung President ni thei a ni a, kan hruaitute an fakawm hle bawk, a ti.

Dr. Thangtea chuan tunhnai a session neih zawh taka motion a putluh chhan sawiin, chief minister Pu Lalduhoma hi, August 5, 1986 a Parliament-ah Mizoram State Bill sawi honaah Pu Duhoma a tel ve loh thu leh vote a thlak ve loh thu a sawi a. Pu Thangtea chuan, 'Dawt Lehlang' tiin CM thusawi hi sawi ila a dik ber,' a ti.

MNF zawm thar Pu Lalhmunmawia, Zonuam, Aizawl chuan MNF a zawm chhan sawiin Congress-a chhuahsan chhan chu tha lo leh a huat vang ni lovin, MNF chu Pathian leh kan Ram tan ti a thuthlung vuantu an nih angin thuthlung ka vuan ve a nge tiin MNF ka rawn zawm a ni, a ti. Nationalism tuipui ka ni a, Baptisma thar ka chang ve a ni, a ti bawk. Pu R. Lalhmunmawia hi Behliangchhip, Tripura lam chhuak niin tunah hian AICC member, MPCC Secretary, Congress Seva Dal Chief Organiser ni lai mek a ni a. Mizoram Maxi Cab Association-ah kum 10 chhung president a ni tawh bawk.

Hnam Run chhung inkhawm hi Pu L. Ramkinlova, Adviser, MNF Gen. Hqrs. chuan a kaihruai a, Pu Vanlalthanga, Organiser, MNF Gen. Hqrs. chuan hunserh a hmang a ni.

(LALRINMAWIA SAILO)

Secretary

Media & Publicity Department.

Memo No. 525/2026/ Dt. 07.09.2026