Lalpan thil ropui tak min tih sak a ni- Dawngtea, MLA

Nimin ni 10.4.2026 (Zirtawpni) khan Tuirial bialtu MLA Pu K. Laldawngliana chuan a bial Kawnpui Chhimveng (Kawnpui VC - II) te Tui lakna leh Vantlang Bual In a hawng.

Pu Dawngtea MLA chuan, "A hmasa berah chuan vawiinah hian Lalpa'n thil ropui tak min tih sak a ni tiin Democracy ram kan ni a, inthlannaah Party Ticket-in kan ding a, thlantlin kan nih tawh hnu chuan Party bil nilo, Bial mipui MLA kan ni tawh, chuvangin eng level-ah pawh kan ram leh khawtlang hmasawnna kawngah lungrual takin i thawk ho zel ang u," a ti.

Pu K. Laldawngliana chuan, "Khawtlang tana Assets kan siamte hi kan zavai a ta a ni a, a enkawlna kawngah pawh uluk leh dimdawi takin i enkawl ang u," a ti bawk.

Kawnpui VC - II te Tui lakna Sihpui Tui hi khawchhung a tanga lak, Kilometre (Km) khat (1) bawr vel atangin Pipe 120 bawr vel hmang a lak ngai a ni a. Heng hi MLA Pu Dawngtea hian a tumsak a ni. Sihpui Tui lak hawn rual hian Kawnpui VC - II ten 15th Finance Commission Grant atanga an sak Vantlang Bualin (Public Bathroom) a hawng nghal bawk a ni. He mi ni vek hian MLA leh VC & All NGO-te nen Kawnpui Chhimveng Futsal Ground en nghalin, ground repair-na tur cheng nuai 3 VC-te hnenah a hlan nghal a, he hna hi VC ten an thawk dawn a ni. Bialtu MLA leh YMA ten Kawnpui Chhimveng Thlanmual chim Lungrem (Retaining wall) hnathawh dan tur enho nghalin bul tan nan cheng nuai khat a hlan nghal bawk a ni.

Tui hnianghnar tak an neih theih tawh dawn avangin Kawnpui Chhimveng khawtlang hruaitute leh mipuite chu bialtu MLA Pu Dawngtea lakah an lawm hle a ni.

He Programme hi Pu Lalnunmawia VCP Kawnpui - II in a kaihruai.

(LALTHAKIMA)

Joint Secretary

Media & Publicity Deptt : Mizo Nation Front

Memo No.467/2026/ Dt.11.04.2026