2-Dampa ST A/C MLA Dr.R.Lalthangliana chuan vawiin March ni 20, 2026 (Zirtawpni) chawhnu dar 1:30pm khan 'Marpara Zone Young Chakma Association (YCA) 5th Annual Conference' Hnahva Community Hall-a neih chu khuallian niin a hmanpui.

Khual lian Dr.R.Lalthangliana, MNF Senior Vice President chuan, "Vawiinah in hun pui hmannaah bialtu MLA ka nih anga min sawm ve hi ka lawm hle a. Mizoram chhunga awm vek kan ni a, kan tawng leh culture pawh a inanglo viau ang. Mahse, kan inzawmna erawh tha takin kan siam reng tur a ni. Zoram chhunga cheng tawh phawt chuan Zoram nuam taka siam hi kan hna pui ber ni rawh se. Nakinah chuan in hun pui nikhuaah YMA leh YLA-te pawh inunauna tha zawk neih theina turin sawm ve thin ang che u. In hun hman hi hlim taka lo hmang chhunzawm zel turin duhsakna ka hlan a che u," a ti.

Dr.Thangtea chuan, hun rei tak atanga lokal pui tawh, MNF sorkar hun lai atang tawha bialtu MLA hmasa Pu Rintluanga Sailo pawhin a ngaih pawimawh em em thin, keini pawhin nasa taka kan vei leh kan nawr, Pukzing to Silsuri kawng siamna chu cheng nuai 9500 sanctioned fel a ni tawh a, Contractor pawh thlan fel a ni tawh hi kan lawm hle a, tha taka siam anih theih nan tute pawhin kan vil uluk hle tur a ni. Bikabekia leh Mar North inkar kawng siamthatna tur pawh PWD lam ka be tawh a, harsatna a awm ka ring lo. West Phaileng to Marpara inkar kawng pawh an hotupa ni zanah ka be nawn leh a, April thla chhungin black topping zo ngei turin ka nawr a, an zawh hman pawh ka beisei, Dr.Thangtea chuan a ti.

YCA State Level Biju hi chhim lamah neih an tum thu in hruaituten min hrilh a, nakumah Mamit District-ah neih an tum tih an sawi bawk a. Hetiang Ni pawimawh bikah hian sum leh pai ruahmanna a awm ngai lo a, a bikin minority area bik MLA-ten tangkhawmin, pawisa khawn khawn tawh lovin minority ministry-ah emaw, tribal ministry atangin emaw cheng vbc khat tal hetiang atan bik hian dah anih theih nan Delhi lamah nawr ka tum a ni a ti bawk.

Inthlan lo awm leh turah Pathianin sorkarna hi MNF kutah a dah leh ngei dawn a, heng lai bial leh Zoram pum tan hna nasa taka thawh kan tum a ni MNF Senior Vice President chuan a ti bawk.

Thorang bial leh Dampa bial huap Marpara Zonal YCA hian khaw 17 huamin Branch 15 an awm. He hun hi nimin atang khan khaw hrang hrang atangin Chakma thalai engemaw zatin an hmang a, naktukah he kut hi a tiak ang. Inkhawm hi Ananda Chakma, Chairman Organising Committe chuan a kaihruai a, Chakma hnam lam leh zai hrang hrangte entir a ni bawk.

(R.LALHMANGAIHA)

Secretary

Media & Publicity Deptt : Mizo National Front

Memo No.446/2026/Dt.20.03.2026