Press Release

ZPM ATANGIN MNF AH VOTER 505 LAWMLUH AN NI.

Vawiin ni 18, April 2026 chawhma dar 11:30AM khan Vawmbuk MDC Bial chhung atangin ZPM party mi leh sa voter 505 te chu MNF Party ah Pu Vanlalzawma Ex-MP & MNF Vice President chuan a lawmlut. Lawmluh zingah hian Vawmbuk-I ZPM VCP leh a thawhpuite leh Tialdawngilung ZPM VC Member nilai pahnih (2) an tel a. Vawmbuk-1 ah MNF VC thar a piang nghal a ni.

Pu Vanlalzawma, MNF Vice President chuan, MLA inthlanah helai bial hian intisual ngailo a, sawrkar tur lam hi in hre em em zel a, tum khat 1987-a PC inthlangtling tih mai loh chu, a ti a. Kum 2028 a MLA inthlan lo awm turah pawh MNF chu sawrkar ngei tur party anih tawh zia vawiina kan hun hman dan hian a tarlang a, in chetzia leh hawiherin a tifiah hle a ni, a ti.

AMC inthlan kan neih turah hian tum dang zawng aiin MNF chuan candidate kan nei tha a, ward tina mipui ngaihzawn rawn vek an ni a, hei hian hnehna kan chan ngei a ti rinawm leh zual a. Sum puk leh an hmuh chhun pawh tih lapse bak thiamlo ZPM Sawrkar lakah Mipui an beidawng em em a, Zoram pumah sum a vangin, Dawt sawi erawh a tam em em mai a, hei hi Aizawl mipui pawhin an kham hle a ni, tiin, mahni tihthat sawi tur hresi lovin hun kaltawh amite puhchhiat thawm ri reng mipuiin an ninzia lantir nan ZPM vote loh tumna hri a leng mek a ni, a ti bawk.

Pu Zawma chuan, Zoram hmun hrang hranga ZPM rin tawh lohna thli tleh mekin helai hmun a rawn thleng hi thilmak a ni lova, kan ti ang an tih tilo a, kan tilo ang an tih tileh site khawsak dan hi thabera insawite nunphung a nih tlat vang a ni, a ti a. Mitin, an thiltih ang zela an chunga rorel saktu hian a hmuh hmaih hauh lo a ni, a ti bawk.

He hun hi Pu F. Vanuka Vawmbuk-I Unit President in a kaihruai a, he hunah hian- Pu Vanlalhmuaka President MNF Sub-Hqrs Lunglei, Pu Lalzahawma Chinzah President MNF Dist Hqrs Lawngtlai & EM LADC, Pu C. Rongura Ex-MDC & Treasurer MNF DHQ, te leh LADC a EMs te: Pu Lalropuia Chinzah EM LADC, Pu JB Vanhoy EM LADC, Pu C. Hrangthianga EM LADC, Pu Hc Lalthawmliana EM LADC, Pu Mc Lalbiakliana Vice Chairman, Planning & Dev. Board-te leh MNF party hruaitu mi thahnem takin an telpui a ni.

Lawmluhna prog. hi Pu N. Lalrinchhana In, Vawmbuk-I ah neih a ni a. He hunah hian Pu Lalzahawma Chinzah President MNF DHQ Lawngtlai leh Pu H. Biakzauva Ex Dy Speaker & MNF Adviser te leh lawmluh atangten thusawina an nei bawk.

(LALTHAKIMA)

Jt. Secretary

Media & Publicity Department/ Mizo National Front

Memo No.475/2026/ 18.04.2026